MDNA

上一張"硬糖"難聽得我只聽過兩次。
今次一開始plug的GIVE ME ALL YOUR LUVIN'啦啦隊歌亦嚇親我，
幾廿歲人唱這些青春期少女的歌幹嗎？
之後的GIRL GONE WILD又唔知做咩,
都係幾廿歲人做咩GIRL前GIRL後呢?
跟住睇埋個MV, 咁似EROTICA既!
娜姐幹嗎行返回頭路?

我是從HOLIDAY時代已經聽她的,
當年姐姐跟我推介她的歌, 我年紀少佢講咩我都話好啦，就喜歡上她的歌來。
我依然清楚記得當年我們一家人去淺水灣游水.
在那架6號熱狗中巴的上層車尾,
一班潮男潮女用手提卡式機播著娜姐的"宛如處女".
情形真的好似溫碧霞加個麥德羅拍青春片的模樣. 那時的巴士又可以播歌又可以抽煙，好自由的。
這個畫面就是我一直覺得潮男潮女應有的樣子.
我當時想: MADONNA? 我有聽過喎, 我老豆都有買她的盒帶啦, 原來我老豆都好追得上潮流喎....

幾廿年過去, 娜姐邊一隻碟我唔會買呀,
就算她好似被咀咒的一隻碟好聽一隻碟難聽,
我還不是繼續聽下去.
上一隻硬糖難聽, 以為今次會好聽, 但聽了頭兩PLUG又覺得難聽到替她難過.
但始終係她的都要買，心癮起還是乖乖付錢去.

是的, 如果將這張碟的歌拆開出來聽是有事的.
不能像當年"舞台上的懺悔"般首首SINGLE都獨當一面,
但如果將這張碟從頭到尾PLAY一次又OK喎.
整體上編曲很統一, 整張碟一直播下去又幾連貫喎.
越聽越好UN.
不過娜姐的聲被合成得太厲害, 又尖又假，變得似一把電子聲,
但全隻碟把聲都咁假我就當佢是故意了.

所以這張碟我還是推薦你去買來聽的.